+7 778 339 8395
Қабылдау комиссиясы
lrc_college@hmc-astana.edu.kz
E-mail
Біз біргеміз!
- Қаралды: 1375
Ел басына күн туған заманда қазақ халқы бір-біріне бауырым деп қолдау көрсетуді азаматтық парызы ретінде санаған.
Біз Нұр-Сұлтан қаласы әкімдігінің Жоғары медициналық колледж ұстаздары елдегі болып жатқан террорлық қақтығыстардан қирап, зардап шеккен аймақтардағы халық үшін қызмет көрсетіп отырған мемлекеттік және мемлекеттік емес ғимараттарды орнына келтіру жолында әлеуметтік қолдау көрсету мақсатында өзіміздің бір күндік жалақымызды беру азаматтық парызымыз деп санап, үндеу жариялаймыз!
Барлық оқу орындарының ұстаздар қауымын осы сауапты іске қолдау көрсетуге шақырамыз!
Қазақстан - Тәуелсіз Мәңгілік ел! Ел басына күн туған қиын замандарда ата-бабамыз бірлік пен тұтастықты ту етіп, еліміз бен байтақ жерімізді жаудан қорғап, бізге аманат етіп қалдырған. Тәуке ханның тура жолын, Абылай ханның сара жолын жалғастырып келе жатқан ел Президенті Қасым-Жомарт Тоқаевтің елдегі болып жатқан қоғамымызға жат іс-әрекеттерге орай жасаған Үндеуін толық қолдаймыз. Мәңгілік еліміздің Туы көк аспанымызда еркін желбіреп, Әнұранымыздың шарықтауы бізге рух береді. Бұл - біздің Отанымыз. Ел тыныштығы мен тұтастығы жолында аянбай еңбек етіп жүрген ерлеріміздің алдында басымызды иеміз. Соқпағы мол қиын жолда жанын қиған азаматтардың отбасы мен туған-туыстарына қайғырып, көңіл айтамыз.
Нұр-Сұлтан қаласы әкімдігінің «Жоғары медициналық колледж» ШЖҚ МКК ерікті студенттерінің 2021 жылдың 27-31 желтоқсан аралығында «Қуаныш сыйлайық!» акциясы аясында колледжде білім алып жатқан тұл жетім балалар мен ата-ананың қамқорлығынсыз қалған жетім балалар, аз қамтылған отбасынан шыққан білім алушыларға көмек қолын созды.
Нұр-Сұлтан қаласының Жоғары медициналық колледжінде ағымдағы жылдың 7-14 желтоқсан аралығында ҚР Тәуелсіздігінің 30 жылдық мерей тойына арналған “Жас қауырсын” ақындар клубы студенттерінің ұйымдастыруымен өткен “Жырым саған арналады, Туған жер” атты жас ақындар мүшәйрасы өз мәресіне жетті. 22 желтоқсан күні колледж базасында колледждің Аккредитацияға орай ұйымдастрылған іс-шарасыңда ақындардың марапатауы болды.