20 қазан күні оқу залында халық жазушысы, ақын Жұбан Молдағалиевтің 105 жылдығына арналған «Жұбанның ақындық әлемі» атты кітап көрмесі туралы пікірталас өтті.

Іс-шараның мақсаты:

• оқушылардың қазақ поэзиясына деген қызығушылығын арттыру,

• Жұбан Молдағалиевтің өмірі мен шығармашылығымен таныстыру,

• мәдени мұраға құрметпен қарауға тәрбиелеу,

• кітап оқу мәдениетін дамыту.

Кездесу барысында кітапханашы А.Б. Хамзина ақынның өмірбаяны мен шығармашылық жолының негізгі кезеңдеріне тоқталып, оның қазақ поэзиясының дамуына қосқан үлесі мен патриоттық рухтағы шығармаларын атап өтті.

Іс-шараға 123 топ студенттері қатысты. Кездесу соңында студент Бердмұрат Бейбарыс «Қазақ тілім» өлеңін оқыды.

2025 жылғы 8 қыркүйекте колледждің Жастар ісі жөніндегі комитетінің отырысы Құнанбаев А.О. мен колледж Жастар парламентінің Президенті Тлектес Д.Б., сондай-ақ Фракция мүшелерінің қатысуымен өтті.
Отырысқа бағыт жетекшілері қатысты:

• Құқық және тәртіп – Айтжанова А.

• Өзін-өзі басқару және бақыт – Сагинбаева Н.

• Ақпарат – Тастанбек А.

• Экология және еңбек – Бабичева Е.

• Спорт – Науар Ж.

• Волонтёрлық – Нарикбаева Ф.

• Мәдениет және өнер – Энграф В.

• Пікірсайыс – Шымырбай У.

✅ Отырыс барысында негізгі мәселелер қарастырылды:

• 2025–2026 оқу жылына арналған жұмыс жоспары жасалып, бекітілді.

• Қазақстан Республикасы Президентінің «Инновациялық Қазақстан» Жолдауы талқыланды.

• Колледж Фракциясының жаңа құрамы таныстырылып, алдағы жұмыс жүйесі анықталды.

• Фракция мүшелерінің жаңартылған тізімі бекітілді (25-тен кем емес қатысушы).

🕐 Отырыс 60 минутқа созылды. Барлық қатысушылар алдағы оқу жылына арналған жұмыс жоспарын бірауыздан қолдады.

10 қыркүйек - Дүниежүзілік өзіне-өзі қол жұмсаудың алдын алу күніне орай Астана қаласы әкімдігінің «Жоғары медициналық колледж» ШЖҚ МКК  студенттер арасында түсіндіру жұмыстары жүргізілді.

Бұл күннің мақсаты – қоғамда психикалық денсаулыққа назар аударту, суицид мәселесіне байланысты түсіністі арттыру және қиындыққа тап болған адамдарға қолдау көрсету. Әлем бойынша жыл сайын миллиондаған адам өз өміріне қол жұмсауға тырысады, сондықтан дер кезінде көмек пен жанашырлық үлкен рөл атқарады.
Әрбір әңгіме, әрбір қолдау – біреудің өмірін сақтап қалуы мүмкін.

Бұл күн – үміт пен қамқорлықты бөлісетін, жалғыз емес екенімізді еске салатын күн.

«Өмір – қымбат, бәрінен өмір қымбат...»

02.02.2025 ж. «Мемлекеттік рәміздер – ұлт мақтанышы» тақырыбында барлық топта тәрбие сағаттары өтті.

Толығырақ...

29.01.2025ж. Жоғары медициналық колледжде Біртұтас тәрбие бағдарламасының «Балалар кітапханасы» жобасы аясында «Оқы және өзгеге сыйла» атты «Буккроссинг» бұрышы ашылды. Кез кезген оқырман оқыған қызықты кітаптарын «Буккроссинг» сөрелеріне қойып, орнына өзін қызықтырған көркем әдебиетті оқи алады.
Әкеліңіз, әр кітаптың өз оқырманы бар!

Толығырақ...