23.12.2024ж. Жоғары медициналық колледжде аптаның басы ҚР Гимнімен басталды. Апта дәйексөзі: «Бірлік болмай тірлік болмас». Топтар арасында топ жетекшілер «Бірлігі жоқ ел тозады». «Жасөспірімдер арасындағы буллинг және кибербуллинг» тақырыптарында бірыңғай тәрбие сағаттарын өткізді. Студенттерге жасампаз ел бірлігі жайлы айтылды. Жасөспірімдер арасындағы буллингтің алдын алу бойынша түсіндірме жұмыстары жүргізілді.
19.12.2024ж. “Жас педагог” мектебінің жоспарына сай “Білім саласындағы менің бағытым” атты семинар өтті.
13.12.2024ж. Жоғары медициналық колледжде 16 желтоқсан – Тәуелсіздік күніне орай «Тәуелсіздік - Тұғырым» атты салтанатты мерекелік іс-шара өтті. Шара ҚР Әнұранымен басталды.
Колледж директоры Саттар Маратұлы оқытушылар мен білім алушыларды маңызды мерекемен құттықтады. Сөз соңында оқу жылының басынан бері қала көлемінде әртүрлі бағыттағы байқауларда жеңіске жеткен студенттерді Дипломдармен, Алғыс хаттармен марапаттарын табыстады.
Мерекелік іс-шараға «Ауыл» партиясы «Жастар қанатының» Астана қалалық филиалының төрағасы Мади Ходжиұлы қатысты. Мерекемен құттықтап, колледжге «Алғыс хат» тапсырды. Белсенді волонтер студенттерге Сертификат берді.
Шараға жауапты 115 м\і тобы білім алушылары белсене атсалысып, ұстаздармен викториналық ойын өткізді, Тәуелсіздіктің тәттілерінен шашу таратты. Ән салды, күй тартылды, би биленді. Естелікке суретке түсті.
13.12.2024ж. Жоғары медициналық колледжде кәмелеттік жасқа толмағандар арасында «Дін және қоғам» атты тақырыпта дәріс өтті. Дәрісті Дінді зерттеу орталығының теологі Арман Нұрахметұлы оқыды. Шараға Астана қаласы «Алматы» ауданы ішкі саясат бөлімінің бас маманы Сатыбалдина Баян Сатыбалдиевна, Дінді зерттеу орталығының координаторы Марлен Айдарқұл қатысты.
Студенттерге діннің бағыттары, қоғамдағы алатын орны, дінге қатысты ҚР Заңнамалары жайлы түсіндірме жұмыстары жүргізіліп, білім алушылар тарапынан болған сұрақтарға жауап берді.
12.12.2024ж. Жоғары медициналық колледждің 112 м/і тобы студенттері 16 желтоқсан – ҚР Тәуелсіздік күні қарсаңында Қазақстан Республикасы Президенті орталығы мұражайында болды.
Білім алушыларға Президенттік институттың және мемлекет басшыларының қызметінің маңыздылығы арқылы тәуелсіз Қазақстанның тарихи мұрасын зерделеу және дәріптеу мақсатында ұйымдастырылған экскурсияда Қазақстан президенттігі институтына қатысы бар жәдігерлерді, тарихи-мәдени құндылығы бар Президенттің жеке құжаттары мен керек-жарақтарымен тамашалап танысты.
Экскурсия соңында студенттер естелікке суретке түсті.
#Тәуелсіздік
#Біртұтас_тәрбие
